Jaurlaritzak ostiralean ekingo dio urte politikoari, eta horren inguruan hitz egin du Idoia Mendia PSEko idazkari nagusiak. Esan du "produkzio eredua bultzatu, ongizate sistemari eutsi eta egitura instituzionala modernizatzea" izango direla urte politikoaren ardatzak: "Giza-agenda Euskadin ezartzea izango dugu helburu hurrengo legealdian".
Asteartean, bere blogean idatzitako artikulu batean, Jaurlaritzaren jarduna kritikatu zuen Mendiak, eta gogorarazi Eusko Legebiltzarrak hamabost lege onartu dituela legealdian. Gainera, nabarmendu du hamabost horietatik hiru baino ez direla Jaurlaritzaren ekimenetik sortu.
Mendiak Iñigo Urkulluren gobernuari ohartarazi dio "gutxiengoan" gobernatzen ari dela eta adostasunak landu behar dituela.
