Onik agertu da Baztango baserri batean (Nafarroa) astelehenean mendian galdu zen bi apaizetako bigarrena. Nafarroako Gobernuak jakinarazi duenez, Jean-Baptiste Iturria bere kabuz agertu da baserrira bi egunez galduta izan ostean.
Iturria Alkaxurin galdu zen Peio Irigoien apaizarekin batera (Nafarroa Beherea). Atzo somatu zuten euren falta, baina Irigoien Erratzun agertu zen (Nafarroa). Iturriak esan du bart urritz artean egin duela lo, eta ihintza xurgatuz iraun duela.
