Goizeko hamarrak eta laurden aldera aurkitu dute jendarmeek atzodanik galduta zebilen mendizale katalana, Auñamendi inguruan.
Atzo arratsaldeko bostak aldera Belaguatik Auñamendi aldera abiatu zen 42 urteko bartzelonarra bikotekidearekin batera. Emakumezkoak itzultzea erabaki zuen, eta gizonezkoak bakarrik segitu zuen aurrera. Haren berririk ez zuela-eta, desagerketaren berri eman zuen gauean bikotekideak. Esan bezala, gaur goizeko hamarrak eta laurden aldera aurkitu dute, onik.
Jendarmeak ez ezik, Guardia Zibila eta Nabaskoitzeko suhiltzaileak ibili dira mendizalearen bila. Bi helikopteroren laguntza ere izan dute.
Mendia
Onik aurkitu dute Auñamendin galdutako mendizalea
Atzo arratsaldean galdu zuten haren arrastoa, eta gaur goizean aurkitu dute jendarmeek. Katalana da, gizonezkoa, eta 42 urte ditu.
Iruzkinak
Ez dago iruzkinik
Ordenatu
