Onik aurkitu dute Baztanen galdu zen 90 urteko gizona

BAZTAN. Atzo goizaldean onik azaldu zen ostiralean Baztango Arraioz auzoan (Nafarroa) galdutako 90 urteko gizona. Adinekoa osteratxoa egitera irten zen ostiralean, 18:30 inguruan, basoko pista batetik. Itzultzen ez zela ikusita, familiak Foruzaingoan eman zuen abisua, eta hura bilatzen hasi ziren. Gizona, antza, galdu egin zen. Bilaketa taldeen argiei eta soinuei esker, gizona pistara itzuli, eta handik gertu aurkitu zuten.