Eusko Jaurlaritzako Osasun sailburu Jon Darponek adierazi du Osakidetzako oposizioetan parte hartzen dutenek "bermeak" dituztela "beren ezagutzak erakutsi" eta postuak lortzeko. Horrez gain, gogorarazi du 86 espezialitatetan egingo dituztela azterketak, eta horietatik lau bakarrik ari direla ikertzen.
Barakaldoko (Bizkaia) BECen egin ditu adierazpen horiek Osasun sailburuak. Bertan ari dira azterketak egiten, atzo hasi eta bihar arte. Lor daitezkeen postuak zelari, erizaintzako laguntzaile eta administrazioko laguntzaileenak dira.
3.335 postu eskaintzen dituzte guztira oposizio horietan; asteburu honetan egiten ari diren azterketak horien %60 lortzeko dira. Azterketek iraungo duten hiru egunetan, 73.297 pertsona pasatuko dira BECetik.
