Orain dela sei egun desagertu zen gizonezko bat hilik azaldu da Bilbon, Nerbioi ibaian

Hilda aurkitu dute gaur Bilbon, Nerbioi ibaian, duela sei egun desagertu zen gizonezko bat, Ertzaintzak jakinarazi duenez. 51 urte zeuzkan hildakoak.

11:30ak inguruan topatu du bizilagun batek gorpua, Euskalduna zubiaren ondoan, eta ertzainei eman die abisu. Suhiltzaileek atera dute ibaitik gizonezkoa, eta ertzainek identifikatu egin dute ondoren.