Gaur goizean Orkoienen (Nafarraoa) etxe-kaleratze bat bertan behera uztea lortu du M-15 mugimenduak. Atzo zabaldu zuen deialdia Iruñeko elkarte horrek sare sozialetan, eta 09:30ean zuten zita jarrita. Ordu horretan, bankuarekin zuten zorra kitatu ezin izateagatik, etxea uzteko agindua zuen Aldaia kalean bizi den erretiratu bikote batek.
Goizean, ordea, epaitegiko idazkaria agindua betearaztera joan denean 50 pertsonak kaleratzea oztopatzen ari ziren. Modu horretan kaleratzea bertan behera utzi dute eta erretiratu bikoteak zorra berriro negoziatzeko denbora gehiago izatea lortu dute. 35.000 euro zor dio bikoteak BBVA bankuari hipoteka kentzeko.
