Eusko Jaurlaritzako Osasun Sailak eta Osakidetzak Langraiz Okan (Araba) egingo duten baheketa baten berri eman dute. Martxoaren 17tik 24ra arte Siglo XXI eta Kronos tabernetan izandako herritarrei deia egin diete PCR proba egiteko. Bihar eta etzi egingo dituzte probak, herriko osasun etxean.
Erakundeek jakinarazitakoaren arabera, 10:00etan ekingo diete probei, eta herritarrak aurretiaz ordua eskatu gabe joan ahalko dira. Ohikoa denez, emaitzak SMS bidez bidaliko dizkiete.
