Osakidetzako Lan Eskaintza Publikoetan irregulartasunak izan direla salatu ostean erabaki dute esandako azterketa horiek errepikatzea. Kirurgia plastikoa eta konpontzailea kategoriari dagokionean, berriz, egindako azterketen emaitzak onartu eta prozedurarekin aurrera jarraitzea erabaki dute.
Sakaletak jaso ostean informazio-espedienteak aztertu dituzte, eta txostena eskatu diote aditu independente bati. Txosten horren ondorioak hilaren 19an azaltzekoak dira Eusko Legebiltzarrean Osakidetza, Osasun Saila eta IVAP. Nolanahi ere, epaimahaiek gaur goizean erabaki dute hiru azterketa horiek errepikatzea, eta arratsaldean prentsaurrekoa eman du Maria Jesus Mugica Osakidetzako zuzendari nagusiak erabakia jakinarazteko.
Esan duenez, "LEP hau ahalik eta gardenena izatea" lortu nahi dute erabaki honekin, eta baita bertan parte hartu duten pertsona guztien "eskubideak errespetatzea" ere.
Azterketa guztiak aztertzea erabaki zuen Osakidetzak, salaketak publiko egin zirenean, baina, hala ere, lau espezialitatetan bakarrik ireki zituen espedienteak.
Atzo bertan salaketa gehiago aurkeztu zituen ESK-k.
