Osakidetzan lanean ari direnen artean %13k baino ez daki euskaraz. Eusko Jaularitzak Osasunaren alorrean lan egiten dutenak euskaraz ikasteko egitasmoa aurkeztu zuen baina hurrengo Lan Eskaintza Publikora begira eskainiko diren lanpostu berrietatik bostetik batek izango du euskara jakiteko derrigortasuna.
Euskara jakin beharra “lehen artatzetan eta ospitaletako larrialdi zerbitzuetan” eskatzen saiatuko direla esan du Inclanek. Jaularitzak Osakidetzako langileak euskaraz trebatzeko materiala aurkeztu duen egunean egin ditu adierazpen hauek Osasun sailburuak. Aurkezpenean Miren Azkarate Kultura sailburua ere egon da.
Euskara ikasteko materiala prest
Aldizkaria, irratsaioak eta web orria prestatu dituzte langileak euskaraz ikas dezaten. Aldizkaria hilabetero argitaratuko dute eta osasunaren inguruko gaiak jorratuko ditu. Euskadi Irratian, berriz, astero adituei eginiko elkarrizketak eskainiko dituzte, besteak beste. Sortu duten webguneak, aldizkariko eta irrati saioko edukiak bilduko ditu.
Osakidetzako langileen %20k euskara jakin behar izatea ez dela gutxi esan du Inclanek
Osakidetzak 2008. urteari begira egindako Lan Eskaintza Publikoan, sistema osoa euskalduntzeko neurriak abian jarriko zirela iragarri zuen joan den uztailean. Esleituko diren lanpostu horietan, ordea, %20k bakarrik jakin beharko du euskaraz eta hori “ez dela gutxi” adierazi du Eusko Jaularitzako Osasun sailburu Gabriel Inclanek.
Iruzkinak
Ez dago iruzkinik
Ordenatu
