Osakidetzako zuzendaritzak biharko deitu du mahai sektorialaren bilera, eta bertan bilduko da sindikatuekin. Azkeneko hilabeteetan sindikatuak protesta egiten ari dira, lan baldintzen eta laneko kalitatearen inguruan desadostasunak dituztela-eta Eusko Jaurlaritzako Osasun Sailarekin.
Lehengo ostegunean, kasu, Arabako, Bizkaiko eta Gipuzkoako osasun zentro publikoetara greba orokor deialdia egin zuten ELA, LAB, UGT eta ESK-k. Sindikatu horiek sektoreko gehiengoa osatzen dute.
Urtarrilaren 29an eta otsailaren 21ean ere lanuzte orokor deialdiak egin zituzten. Dena dela, azkeneko asteetan CCOO, SATSE, UTESE eta SAE ez dira mobilizatu.
Gaur ELA, LAB, UGT eta ESK-k berretsi dute "akordio globala lortu arte" mobilizazioekin segituko dutela.
Bihar 16:00etatik aurrera elkartuko dira mahai sektorialean, Osakidetzaren egoitzan. 11. batzarra izango da.
Gizartea
Osakidetzako mahai sektorialaren bilera bihar
ELA, LAB, UGT eta ESK-k mobilizazioekin segituko dutela berretsi dute gaur. Lan baldintzen eta laneko kalitatearen inguruan desadostasunak dituzte sindikatuen gehiengoak eta Eusko Jaurlaritzako Osasun Sailak.
Iruzkinak
Ez dago iruzkinik
Ordenatu
