Osborneren zezena ere Independentista

«Espainiako nazionalismoaren ikurra» Independentzia hizki handiz margotu du gaur Independentistak Sareak. Independentistak Sareak «ekintza berde bat» egin du gaur Tutera aldean, Espainiako Konstituzioaren Egunean, «Espainiako nazionalismoaren ikur» Osborneren zezenaren gainean. «Euskal Herriak pairatzen dituen inposizio guztiak salatzeko», margotu dute Tutera eta Arguedasen arteko zezena. Halaber, ikurrinak, Nafarroako banderak eta independentziaren aldekoak zabaldu eta bengala berdeak piztu dituzte, «independentziari argi berdea emateko eskatzeko». Sareak dei egin dio euskal gizarteari «bere geroaren jabe bilakatzeko», lanean nahiz mobilizazioan jarraitzeko.