Ospitale publiko bat eskatu dute Tolosalderako

DONOSTIA. Inguruko eskualdeetan ez bezala, ospitale publikorik gabe jarraitzen dute Tolosaldeko (Gipuzkoa) herritarrek. Asuncion klinika pribatuak itunpean eskaintzen die zerbitzua, eta espezialitateak Tolosako osasun etxean dituzte. Ordea, Jaurlaritzak itxi egin nahi du hori, eta klinikara bideratu guztiak. Horren aurkako taldeko kideak atzo Jaurlaritzakoekin bildu ziren.