Ospitalean atxilotuta dago ustez 86 urteko ahizpa hil duen andrazkoa

Ertzaintzak jakitera eman duenez, bi ahizpen arteko eztabaida baten ostean izan da erasoa: emakume zaharrenak gazteena hil du, lepoan sastakatuz. Gaur goizean gertatu da, Bilboko erdigunean, Jose Olabarria kalean. Erasoaren ostean, 91 urteko andrazkoa senide bati deitu dio, egindakoa aitortzeko, eta hark eman die abisu poliziei; andreen etxera heldu direnerako, 86 urteko emakumea hilda zegoen. Ustezko hiltzaileak, berriz, zauriak eragin dizkio bere buruari; beraz, Basurtuko erietxera (Bilbo) eraman dute, atxilotuta. Ikerketa ireki du Ertzaintzak.