'Otano auzia' bertan behera lagatzea erabaki du epaileak

Nafarroako Lurralde Auzitegiko epaileak 'Otano auzia' ez epaitzea erabaki du gaur, ustezko ustelkeria kasua preskribituta dagoela argudiatuta. Fiskaltzak eta zortzi akusatuen defentsek eroskeria delituak preskribitu egin duela argudiatu zuten. Ustezko delitua egin zenetik bost urte baino gehiago pasa direla esanez, auzia bertan behera uzteko eskatu zuten, eta epaileak arrazoia eman die. Herri salaketako abokatuak kasazio helegitea jarriko duela iragarri du.