Arnaldo Otegi izan da eztena sartu duen lehena. Atzo, EAJren PPren arteko akordioaren berri jakin ostean. PPrekin "exijentzia moralik" ez izatea egotzi zion EAJri, eta abertzale gisa, jeltzaleek egindako akordioarengatik "lotsa" sentitzen duela gaineratu. Hemen txioa:
PPrekin ez dago exijentzia moralik?
— Arnaldo Otegi (@ArnaldoOtegi) 2018(e)ko apirilak 25
ðŸ“ÂÂŒ Lapurrak
ðŸ“ÂÂŒ Ustelak
ðŸ“ÂÂŒ Gernikako bonbardaketa kondenatu gabe jarraitzen dute
ðŸ“ÂÂŒ Legionarioekin abesten dute Aste Santuan
Hauekin aurrekontuak?#AbertzaleLotsa
Eta hari, forma berean idatzitako txio batekin erantzun dio Ortuzarrek, galdetuz zer irudiko litzaiokeen Kanbon alboan izango dituztenei "terrorista, iraultza zerga, kale borroka eta biktimak bertan behera utzi izana" egotziko balie. Hori bai, txioaren amaieran, dio, EAJ ere izango dela Kanbon:
Arnaldo, eta zuri esango bagenizu...?
— Andoni Ortuzar (@andoniortuzar) 2018(e)ko apirilak 25
ðŸ“ÂÂŒ Terrorismoa
ðŸ“ÂÂŒ Iraultza-zerga
ðŸ“ÂÂŒ Kale borroka
ðŸ“ÂÂŒ Biktimak bertan behera utzi izana
Horiekin Kanbora joango ote zarete?
Zer irudituko litzaizuke? Akordioa ona da, ez dezagun gurdia bere bidetik atera.
Ah, gu Kanbon egongo gara. https://t.co/lISEvfKbk9
Eta Otegik berriz erantzun dio, Ortuzarrek berak Aberri Egunean egindako hitzaldiaren zati bat jasoz.
Ortuzarren bideoan dio jeltzaleek ez dutela "jolasten" 155. artikuluarekin, hura Katalunian ezarri duten modua "Euskadirentzat ere esaroa" baita.
PPren aurrekontuak babestea arduragabekeria da, baina gure aurka beraiek erabiltzen dituzten argudioak erabiltzea tristea. Hemen zuk @andoniortuzar Aberri Egunean esandakoa: pic.twitter.com/EvUOyuNBPa
— Arnaldo Otegi (@ArnaldoOtegi) 2018(e)ko apirilak 25
