Paddy Woodworth idazle eta kazetari irlandarrak Euskal Herriaren egungo egoeraren analisia egin du TheIrish Times (Irlanda) egunkarian.
Indarkeriarik gabeko estrategiak "euskal koalizioari" onura ekarri diola ondorioztatu du testuan, eta ETAk orain su-etena hautsiko balu mugimendu politikoarentzat "desastre hutsa" izango litzatekeela uste du. Testuingurua kokatu du, eta "euskal koalizioak" emandako pausoak eta Madrilek emandako erantzunak ere aztertu ditu.
Kazetari eta idazle irlandarra Espainiako gerra zikinaren aditu handienetako baten gisa ezagutzen dute askok. Bere lehen liburua horri buruz idatzi zuen, hain zuzen: Dirty War, Clean Hands; ETA, the GAL and spanish democracy -Gerra Zikina, Esku Garbiak: ETA, GAL eta demokrazia espainiarra-.
Euskal gatazkan aditua bada ere, kulturaz, ondareaz eta beste ere idatzi izan du; esaterako,The Basque Country - A Cultural History -Euskal Herria - Historia kultural bat-liburua idatzi zuen 2007. urtean.
