Behin harresi gainera iritsita , ikurrinak eta euskal presoak Euskal Herrira ekartzeko galdegiten zuten pankartak zabaldu dituzte. Horrez gain, zenbait musika tresna igo dituzte harresi gainera, eta euskal kantuak jotzen jardun dute. Poissyko espetxean hiru euskal preso daude, eta haietakobatek nola agurtzen zituen ikusi ahal izan dute Demo eta Zuzen taldeetako kideek.
Ordu eta erdi inguru egin dituzte murru gainean paratuta, eta epe hori igaro denean, suhiltzaile talde bat hurbildu eta ekintzaren egileak jaisten hasi dira. Hogei bat poliziaren laguntza izan dute suhiltzaileek, eta, azkenean, ekintzaile guztiak atxilotuta eraman dituzte.
Nolanahi ere, ez da Demoek eta Zuzenek Frantziako Estatuan horrelako ekintzak egiten dituzten aurreneko aldia. Lehenagoko guztietan, poliziaetxean denbora bat egin ondoren, kargurik gabe libre utzi izan diuzte ekintzaileak.
Desobedientzia zibila
Parisko Poissyko espetxeko harresira igota euskal presoak Euskal Herrira ekartzeko galdegin dute
Desobedientzia zibilaren estrategiaz baliatzen diren Demo eta Zuzen taldeetako zortzi kidek Paris ondoko Poissy espetxeko harresira igo, eta handik euskal presoak Euskal Herrira ekartzeko aldarrikatu dute. Eskailera luze bat bermatu dute bederatzi metroko murruan, eta han gora igo dira zortzi lagunak —haietako bat Olentzero eta beste bat Santa Claus jantzita—. Suhiltzaileek jaitsi dituzte, eta Frantziako Poliziak atxilotu egin ditu guztiak.
Iruzkinak
Ez dago iruzkinik
Ordenatu
