Parte hartzeari buruzko mintegi bat egin dute Bilduko hautetsiek

Herritarren parte hartzeari buruzko mintegi bat egin zuten atzo Bilduko hautetsiek, Berriozarren. Euskal Herriko alkate, zinegotzi eta teknikari ugarik parte hartu zuten. Eremu instituzional ezberdinetan izan diren esperientziak trukatu zituzten, eta, aurrera begira, herritarren parte hartzean sakontzeko neurriak aztertu. Mintegian parte hartu zutenek ondorioztatu zuten «bideak eta egiturak» behar direla parte hartzeko modua emateko. Halaber, adierazi zuten prozesu hori ez dela gauzatu behar politikaren eremuan bakarrik.