Pasaiako «segadaren» auzia ez artxibatzeko eskatuz biktimen senideen eta Azpeitiko Udalak jarritako helegitea atzera bota du Gipuzkoako Auzitegiak. Senideek aurtengo otsailaren 3an jakin zuten auzia artxibatu zuela Donostiako 2. Instrukzio Epaitegiak, eta erabaki haren kontrako helegitea jarri zuten. Berriki jakin dute atzera bota dutela.
Datorren asteazkenean elkarretaratze bat egingo dute Donostiako auzitegi aurrean (11:30), kasua ez artxibatzeko eskatzeko.
Espainiako Poliziak Komando Autonomo Antikapitalistako lau hil kide zituen Pasaiako badian, tiroz, 1984ko martxoan: Rafael Delas Txapas (Iruñea, 1957), Jose Maria Izura Pelu (Iruñea, 1958), Pedro Mari Isart Pelitxo (Azpeitia, 1961) eta Dioni Aizpuru Kurro (Azpeitia, 1963). Lau gorpuetan 113 bala zulo aurkitu zituzten.
Oinatzak Produkzioak taldeko Yuri Agirre eta Xabier Otamendi auziari buruzko dokumental bat prestatzen ari dira.
