Jose Antonio Pastor PSE-EEko bozeramaileak gaur goizean Radio Euskadin esan du Espainiako Gobernuak eman ditzakeela aurrerapausoak presoen auzian "legea hautsi gabe eta presarik gabe". PPren gobernuak hartzen dituen erabakiak errespetatuko dituztela aurreratu du, eta "zerbait" egiten has daitezkeela horiek gaineratu du.
Peio Urizar Eusko Alkartasunako idazkari nagusiak etziko manifestazioan parte hartuko duela iragarri du, eta horrekin batera herritarrei parte hartzera dei egin die, sakabanaketarekin amaitzeko eta euskal presoen eskubideen alde. Ohar baten bidez Espainiako Gobernuari eskatu dio gatazkaren konponbide erraztuko duen espetxe politika ezartzeko.
