Duela zortzi hilabete heldu zen Patrick Dallennes Baionako suprefeta Ipar Euskal Herrira. Gori-gorian dagoen giro politikoaz galdetuta, Frantziaren jarrera argi azaldu du. Frantziak ez dio aitorpen instituzionalik eginen Ipar Euskal Herriari, adostasun zabala egon arren horren inguruan. Nafarroa Beherea herri elkargo batean biltzeko proposamena landuko du, adostasunik ez dagoen arren.
Hendaiako ikastolaren kasuan, aterabide bakarra ikusten du, gurasoek ordaintzea eraikuntza. Larriagoa oraindik. Frantzia ez dago prest euskara baliatzeko adminstrazioan, ez seinaleetan, ez harreran, ez dokumentuetan. Euskara maila bateraino lagunduko duela dio, eta zalantzan jarri du desagertzeko arriskuan dagoela.
AHTa, Donostia-Baiona arteko tren lotura, sexu bereko pertsonen ezkontza eta bertze hainbat gai jorratu ditu.
