Izan ere, Paueko Auzitegiaren arabera, haurrarentzako onena orain arteko hezkuntza ereduarekin eta giroarekin jarraitzea da. Gainera, ikastoletan ez dela "akulturizazio" arriskurik adierazi du, besteak beste, Frantziako Hezkuntza sistemak gidatzen eta zaintzen duelako ikastoletako jarduna.
Lau urteko mutikoa joan den otsailean atera zuten Miarritzeko ikastolatik. Izan ere, aita eta ama banatu zirenean, dibortzio auzian, ikastolatik ateratzeko eskatu zuen amak. Baionako familia epaile batek haren alde egin zuen, baina argudioa izan zen harrigarriena: ikastolek "akulturizatu" egiten dutela arrazoitu zuen.
Aitak helegitea aurkeztu zuen Paueko Auzitegian erabakiaren aurka, eta oraingo epaia haren aldekoa izan da. Arestian aipatu bezala, Paueko Auzitegiak ez du ikastoletan "akulturizazio" arriskurik ikusten.
Gizartea
Paueko Auzitegiak bertan behera utzi du ikastolek "akulturizatu" egiten dutela esaten zuen dibortzio epaia
Dibortzio auzi batean ikastolek "akulturizatu" egiten zutela erabaki zuen Baionako familia epaile batek, eta lau urteko mutiko bat Miarritzeko (Lapurdi) ikastolatik ateratzeko agindu zuen, amaren nahiarekin bat-eginez. Aitak helegitea aurkeztu zuen Paueko Auzitegian, eta arrazoia eman dio: ikastoletan ez dela "akulturizazio" arriskurik dio epai horrek. Irailean ikastolara itzuliko da berriro lau urteko mutikoa.
Iruzkinak
Ez dago iruzkinik
Ordenatu
