Lau kargu leporatzen dizkio Espainiako Auzitegi Nazionalak Martini: talde terroristako kide izatea, talde terrorista batekin kolaboratzea, terrorismoaren apologia egitea eta Herrira-ren jarduera eteteko neurri prebentiboa urratzea.
Joan den astean aztertu zuten auzia Paueko Auzitegian, eta prokuradoreak nahiz Martinen abokatuak eskatu zuten ez dezatela Espainiaratu. "Ez ekintzen tokia, ezta Martinen inplikazioa ere zehaztu gabeak dira", nabarmendu zuen prokuradoreak. Abokatuak azpimarratu zuenez, berriz, "Martinen ekintzetan Espainia trabatzen duena ez da egiten duena, baizik eta norentzat egiten duen". Prokuradorearen eskea aintzat hartu du auzitegiak, eta Martin ez Espainiaratzea ebatzi du.
Frederique Espagnac Alderdi Sozialistako senataria izan da ebazpenaren balorazioa egin duen lehenetako bat. "Pozik" azaldu da erabakirekin.
Heureuse du refus de la chbre d'instruction de la Cour d'appel de Pau de remettre #EmilieMartin à la justice espagnole #MAE
— Frédérique Espagnac (@FEspagnac) 2016(e)ko urriak 18
Hilaren 10ean, Baionako suprefektura aitzinean 190 pertsona elkartu ziren, eragile politiko, sozial eta sindikal anitzek deituta.
