Josune Arriaga Martinez Paueko (Frantzia) kartzelan sartu du gaur epaileak. Atzo atxilotu zuen Frantziako Poliziak, Bidarrain (Nafarroa Beherea), 80ko hamarkadan ETArekin zerikusia izan zuelakoan. Espainiako Gobernuak bi aldiz eskatua zuen hura Espainiaratzea. Ostiral honetan aztertuko du Paueko Auzitegiak haren kontrako nazioarteko agindua.
Duela zazpi urte ere atzeman zuen Frantziako Poliziak Arriaga, baina aske utzi zuen, Espainiak leporatzen zizkion ustezko delituak baliogabetuak zeudelako ordurako.
Poliziak lehengo astean Pedro Mari Goikoetxea eta Kontxi Iglesias ere atzeman zituen (Lapurdin biak), nazioarteko aginduagatik. Biak behin-behinean libre utzi zituen, euroagindua aztertu artean. Hain justu, ostiral honetan aztertuko dute agindu hori, Pauen.
Frantziako Poliziak atzo Jerome Sanchez ere atxilotu du zuen, Urepelen (Nafarroa Beherea). Askatasunak zioenez, atxiloketa "irailaren amaieran Lapurdi eta Nafarroa Beherean emandako polizia operazioarekin lotua dago". Hainbat lagun atzeman zituzten orduan, Alain Ducasse sukaldariaren kontrako jatetxearen kontrako erasoekin zerikusia zutelakoan. Gaur ez da berririk egon Sanchezi buruz.
Atxiloketa
Paueko kartzelan sartu dute Josune Arriaga
Auzitegiak ostiralean aztertuko du haren kontrako nazioarteko agindua. Frantziako Poliziak atzo atxilotu zuen, Bidarrain.
Iruzkinak
Ez dago iruzkinik
Ordenatu
