"Azaroaren 8an, auzapezak eta bere udal gehiengoak entzun beharko dute ziburutarrek ikastola bat nahi dutela Ziburun", esan du Indok. Laida Mujika ikastolako lehendakariaren arabera, gurasoentzat "aterabide bakarra" da ikastola Zokoako eremura mugitzea.
Guy Poulou auzapezak aitortu du "eskola publikoko obrak epean" direla. Kaskaroteniako ordezkariek adierazi dutenez, berak ez ditu obrak oztopatu.
Koldo Tellitu Ikastolen Elkarteko lehendakaria ere agerraldian izan da. Dioenez, Kaskaroteniaren aurkako "erasoak" Euskal Herriko Ikastolen aurkako erasoak dira.
