Pedro Migel Etxenike eta Helena Taberna sarituko ditu Sabino Arana Fundazioak

Sabino Arana fundazioak gaur jakinarazi du nortzuek jasoko dute Sabino Arana saria. Saridunen artean Pedro Migel Etxenike zientzialaria, Helena Taberna zinema zuzendaria, Virginia Berasategi triatlea eta Frank Gehry arkitektoa daude. Gainera Gureak eta Iberdrola enpresak ere sarituko ditu gaur jakitera eman dutenez. Sabino Arana sarien 25. aldia da, eta sari ematea urtarrilaren 30ean izango da, Bilboko Arriaga antzokian.

Etxenikeren kasuan ikerketaren alorrean egindako lanagatik saritu dutela jakinarazi du Irune Zuluaga Sabino Arana Fundazioko zuzendariak. Tabernaren kasuan bere ibilbidea izan duen koherentzia eta berezko estiloa saritu dute. Berasategi, berriz, zailtasunak gainditzeko gaitasunagatik. Gureak enpresari integrazioaren alde egindako lanagatik emango diote saria, eta Iberdrolari, "Euskadiren garapenarekin izan duen konpromisoagatik". Gehryk Guggenheim Museoarekin irudi berri bat zabaltzeagatik jasoko du.