Pegenauteren aurkako ahozko epaiketa irekitzea erabaki du instrukzio epaileak

Instrukzio epailea 2002tik aztertzenari da euskara kominikabideetan sustatzeko Nafarroako Gobernuak 2001eko diru laguntzen deialdian izan ziren irregulartasunak. 2001eko diru laguntzen deialdi hartan Diario de Navarra egunkariak eskaera epez kanpo aurkeztu bazuen ere 31.536 euro jaso zituen. Pegenaute eta Villanuevak azaldu egin beharko dute zergatik onartu zuten azkenean diru laguntza ematea, teknikariaren eta orduko legelariaren iritziaren aurka.

EKE Euskara Kultur Elkargoak salaketa jarri zuen Pegenaute Nafarroako Hizkuntza Politikako Zuzendari Nagusiaren aurka. Prebarikazioa, bidegabezko xahutzea eta influentzia trafikoa leporatzen zieten Pegenauteri eta Villanuevari. Calvori, berriz, dokumentuak faltsutzea ere leporatzen zieten. EKEk jarritako salaketa onartu egin zen eta 2 urtetik gora aritu da epailea diligentziak egiten (deklarazioak hartu, frogak aztertu...). EpaileakOnartu dituen bakarrak dira Pegenauteren eta Villanuevaren aurkako prebarikazio karguak bakarrik onartu ditu. Gaur, Pegenaute eta Villanueva epaitzeko zantzuak badaudela ebatzi du instrukzio epaileak eta ahozko epaiketa irekitzea erabaki du.

Nafarroako Gobernuko abokatuak ordezkatzen ditu akusatuak eta helegitea jarri du instrukzio epailearen erabakiaren aurka. EKEk Pegenaute eta Villanueva 10 urtez kargu publikoetan aritzeko gaitasunik gabe uzteko eskaera egin du. Fiskalak, bestalde, absoluzioa eskatu du.