Perretxikotan zebilela galdutako gizon bat onik aurkitu dute suhiltzaileek, Leitzan

Leitza (Nafarroa) inguruan perretxikotan zebilela galdu egin zen atzo Irungo (Gipuzkoa) 73 urteko gizonezko bat.Ordu jakin batean leku zehatz batean elkartzekotan geratu zen familiako kideekin, eta ez zela itzultzen ikusita, larrialdi zerbitzuetara hots egin zuten senideek. Ondorioz, Leitzako suhiltzaileak mendira abiatu ziren galdutako gizonaren bila. Ordubetez bila aritu ondoren, Sasiain inguruan aurkitu zuten, Leitzalarrean.