Espainiako Barne Ministerioak eman du atxiloketaren berri. Barbastron (Espainia) auto batek harrapatuta hil zen guardia zibila, eta, ministerioaren arabera, haren aurkako iruzkinak idatzi zituen Leioan (Bizkaia) atxilotutakoak.
Atzera egin beharrean "bere iruzkinak nabarmendu zituen eta poza azaldu zuen ezbeharrarekin", gobernuak azaldu duenez. Informazio horren arabera, atxilotuak zera idatzi zuen: "Hildako guardia zibil bat terrorista bat gutxiago da; ez dago merezi duen guardia zibilik. Orain hilik dagoenez gizon ona zen denentzat, baina ez dira parte onekoak".
Instagram kontua identifikatu ostean, atxilotu egin dute, eta Bilboko Instrukzio Auzitegiaren esku utzi dute. Espainiako erregearen aurkako iruzkinak ere egin zituelakoan, fiskalari berri eman diote.
