Auto batek eta kamioi batek elkar jo zuten AP-15 autobidean, Erriberri parean (Nafarroa), eta autoko bidaiari bat hil egin zen. Atzo arratsaldean gertatu zen ezbeharra, eta 65 urteko emakume bat da istripuan hildakoa. Lau lagun ere zauritu dira, eta horietako bat larri dago Nafarroako Ospitale Unibertsitarioan: autoaren gidaria da, 25 urteko mutil bat.
Beste hiru zaurituak autoko beste bidaiari bat eta kamioian zeuden bi lagun dira. Zauri arinak dituzte, ospitalearen arabera.