Pertsona bat hil da gaur goizean Goizuetan (Nafarroan) bi autoen artean izan den auto istripu batean. Nafarroako Gobernuak jakinarazi duenez, goizeko 07:00etan gertatu da ezbeharra, eta hildakoaz gain, hainbat pertsona zauritu dira. Leitza, Goizueta eta Hernani lotzen dituen NA-4150 errepidean izan da istripua.
Gaurkoarekin jada bost dira aste bukaeran errepideetan hil direnak. Izan ere, atzoko eguna bereziki okerra izan zen, lau pertsona hil baitziren hiru istripuetan: bi Galdakaon (Bizkaia), bat Derion (Bizkaia) eta bat Arruatzun (Nafarroa). Atzo hil zirenetatik hiru, gainera, gazteak ziren.
Errepideak
Pertsona bat hil da Goizuetan, bi autok talka egin ondoren
Goizeko 07:00etan gertatu da ezbeharra, Leitza, Goizueta eta Hernani lotzen dituen errepidean. Aste bukaeran errepideetan hiltzen den bosgarren pertsona da.
Iruzkinak
Ez dago iruzkinik
Ordenatu
