Pertsona bat hil da Luiaondon izandako istripuan

Pertsona bat hil zen herenegun gauean Luiaondon (Araba) gertatutako auto istripuan. A-625 errepidean izan zen ezbeharra, gaueko bederatziak aldera: lau autok elkar jo zuten, ezagutzen ez diren arrazoiak tarteko.Auto batean zihoan emakumezko bat harrapatuta geratu zen auto barruan eta mementoan hil zen. Beste bost pertsonak, aldiz, zauriak izan zituzten eta inguruko erietxera eraman zituzten. Bestalde, atzo hiru pertsona zauritu ziren Gernikan (Bizkaia), Zanbranan (Araba) eta Iruña Okan (Araba). Gernikan kamioi batek pertsona bat harrapatu zuen eta erietxera eraman behar izan zuten.