Eusko Jaurlaritzako Herrizaingo Sailak baieztatu duenez, pertsona bat hil da Muskizen, Pobeñako sarreran gertatutako auto istripu batean. Errepidetik atera da ibilgailu bat, eta beste bide batera erori da. Autotik atera ezinda geratu da beste lagun bat. Moztuta dago errepidea.
Bestalde, hiru kamioik elkar jo dute Gasteizen, N-1 errepidean. Horietako bat irauli egin da, eta bidea oztopatzen ari da. Edonola ere, txapa istripua izan da, eta ez da inor zauritu.
