Gizon bat hil da gaur arratsaldean GI-631 errepidean, Zestoan, Iraetako sarreran izan den bi autoren arteko istripuan. Eusko Jaurlaritzaren Segurtasun Sailak jakinarazi duenez, 15:15ean gertatu da ezbeharra, eta pertsona bat hil eta beste bat larri zauritu da. Zauritutakoa ospitalera eraman dute.
Hain zuzen ere, Toyota markako auto batek eta Citroen markako beste batek jo dute elkar, eta Citroen autoko gidaria hil da. Larrialdi zerbitzuak bertan ari dira lanean. Errepidea itxita dago, eta auto ilara handiak sortu dira inguru horretan.
