Zumaiako (Gipuzkoa) Santiagoko hondartzatik gertu irauli da belaontzia gaur goizean. Inguruan zebiltzan surfista batzuek lagundu diete belaontzian zihoazen hiru lagunei, baina bat hil egin da. Herrizaingo Sailaren arabera, beste biak ondo daude.
Orrua inguruan ikusi du belaontzia iraultzen herritar batek, eta 112ra deitu du. Gurutze Gorrikoak erreskatera etorri aurretik surfistek lagundu diete, baina bat ezin izan dute bere onera ekarri, ez surfistek, ez eta Gurutze Gorrikoek ere. Ertzaintzaren helikoptero bat ere joan da lekura.
