Pirinioetan gizon bat hil da mendian erorita

FRANTZIA. Pic du Midi d'Ossau mendian (Frantziako Pirinioetan) erorita hil zen atzo 60 urteko Eibarko (Gipuzkoa) gizon bat. Jendarmeriak jakinarazi duenez, 2.884 metroko altueran zebilela 200 metrotik behera erori, eta kolpearen ondorioz hil zen. Gizonezkoa hogei kidez osaturiko talde batean zihoan, baina ez haiei loturik. Suhiltzaile eta sendagileak helikopteroz joan ziren, baina dagoeneko hilik zegoen.