POBREZIAREN AURKAKO ALDARRIA

Pobreziaren Nazioarteko Egunaren karietara, hainbat ekitaldi izan ziren igandean. Bilbon, pobreziaren aurkako taldeek antolatuta, elkarretaratzea egin zen Pobreziarik EZ! goiburuarekin. Horrekin batera, haurrentzako jolasak eta bideko merkataritzari eta elikaduraren subiranotasunari buruzko informazio mahaiak izan ziren, besteren artean. De Traka taldeak ere antzerkia egin zuen. Bukatzeko, pobreziaren aurkako manifestua irakurri zuten.