POBREZIAREN BERRI HELARAZTEN

Pobreziaren aurkako eguna izango da etzi, eta Berri Otxoak taldeak horren berri emateko karpa bat jarri du Bilboko Areatzan. Murrizketen eragina pairatzen ari diren familietako kideek eurek eman zieten informazioa herritarrei; gizarte zerbitzuetako langileak ere aritu ziren. Ohartarazi dute pobrezia ez dela kanpoko kontua, hemen ere badela hala bizi denik. Azkenaldiko murrizketek egoera okertu egin dutela salatu dute; diru sarrerak bermatzeko legea aldatzea aipatu dute.