Polizia bat ezpataz zauritu du gizon batek Bokalen

BOKALE. Polizia bat izter batean zauritu dute ezpata batekin. Auto baten atzetik ibili ziren poliziak atzo goizean. Bokaleko geltokian atzeman zuten autoa, azkenean; poliziak hurbildu zitzaizkionean, auto gidariak ezpata bat atera eta izter batean zauritu zuen polizietako bat. Preso hartu dute gizonezkoa. Bikotekidea eta umeak zeramatzan autoan. Prokuradoreak adierazi du atxilotuak arazo psikikoak dituela eta ostegunean mediku bati eraso ziola.