Polizia operazio ugari egin dira ekinen kontra urteotan

Ekin sortu zenetik urtebetera egin zuen Espainiako Poliziak haren kontrako aurreneko operazioa. Baltasar Garzon epailearen aginduz 20 lagun atxilotu zituzten 2.000 urteko irailaren 13an.18/98 auzian epaitu zituzten haietako 12, eta zigortu egin zituzten 11. Sei urte eta bederatzi hilabeteko eta hamar urte eta bederatzi hilabete arteko zigorrak jarri zizkieten. Handik aurrera, asko izan dira atxilotutako Ekineko kideak, eta inkomunikazio garaian torturak jasan dituztela salatu dute haietako askok. Azken operazioa aurtengo urtarrilaren 18an egin zuen Guardia Zibilak, alegia, ETAk su-eten orokor iraunkor eta egiaztagarria eman eta astebetera. Sei lagun atxilotu zituzten.