Hiriburu eta herrietan mobilizazio feministak egiten ari dira gaur, Martxoaren 8an. Baionako kaleetan 600 lagun inguru ibili dira emakumeen eskubideen aldeko martxan. Ibilbidean apezpiku etxera joateko asmoa zuten, baina ez dira iritsi, izan ere, eskuin muturrak feministen kontrako elgarretaratzea antolatu du, eta 40 bat lagun bildu dira. "Je su Aillet" kartela atera dute eskuin muturreko lagun batzuek, Marc Aillet apezpikuarekin elkartasunez. Apezpiku etxerako bidea moztu die poliziak manifestazio feministan bildutakoei.
Konfrontazioak segitzen du. Poliziak ez dio manifestazioari pasatzen uzten @berria#martxoak8@IEHkohitzapic.twitter.com/zqofaQU3Mg
— Maddi Ane (@mtxoperena) 2016(e)ko martxoak 8
Pasatzen saiatu diren arren, ez zietela uzten ikusi ostean buelta eman eta Baionako plazarantz jarraitu du martxak. Manifestazioaren hasieran performanze bat ere egin dute, eta herriko etxearen aurrean amaitu da protesta. Lola Garciak hitz egin du bertan, eta borroka feministaren garrantzia azpimarratu du: "Ez diogu utziko ilunpeari berriro gure bizitzak estaltzen".
Abiatu da manifa zaratatsua Baionan @berria#martxoak8@IEHkohitzapic.twitter.com/G2eS5Uw7Nf
— Maddi Ane (@mtxoperena) 2016(e)ko martxoak 8
