Bere proposamenaren helburuetako bat "askatasunak eta giza eskubideak" defenditzea dela azpimarratu du lehendakariak, eta hori, ezin dela auzitan jarri. "Biktimei babes eta elkartasun guztia ematen die Jaurlaritzak. Beste gauza bat da, biktima baten edo besteren iritzi politikoekin bat etortzea. Batzuekin ados egongo gara, eta beste batzuekin ez. Baina horrek ez du esan nahi gure erabateko babesa ez duenik", azaldu du Ibarretxek Radio Euskadin egin dioten elkarrizketan.
Ildo horretatik, PPri eta PSOEri "biktimen mina" tresna politiko gisa erabiltzea leporatu die lehendakariak: "PPri eskatu diot biktimen mina ez erabiltzeko proiektu demokratiko baten auka", esan du.
Ibarretxeren Plana
PPk eta PSOEK "biktimen mina" tresna politiko gisa erabiltzen dutela uste du Ibarretxek
Zenbait politikarik eta erakundek Ibarretxeren Planak "biktimak umiliatzen" dituztela esan dute egunotan, eta adierazpen horiek "minduta" agertu da Juan Jose Ibarretxe Eusko Jaurlaritzako lehendakaria. Hain zuzen ere, bere zein Jaurlaritzaren ahalegin handienetako bat "giza eskubideak eta askatasunak babestea" dela adierazi du, eta "biktimen mina" tresna politiko gisa erabiltzea leporatu die PPri eta PSOEri.
Iruzkinak
Ez dago iruzkinik
Ordenatu
