Donostiako Udaleko Bozeramaileen Batzordeak kritikatu egin ditu PPren egoitzen eta zenbait espetxe atarietan euskal presoen senideen kontra izandako erasoak. Bildu, PSE-EE eta EAJ ados jarrita, eta PPren abstentzioarekin, adierazpen bat onartu du batzordeak.
"Donostiako Udaleko Bozeramaile Batzordeak Giza Eskubideen urraketa suposatzen duten gertakizun horien aurrean bere kontrako jarrera argia adierazten du eta era berean adierazten du indarkeria adierazpen horiek erabat zentzu gabekoak direla gaur egun Euskal Herriak bizi duen egoera kontuan hartuz", esan dute adierazpenean.
Halaber, "giza eskubide guztien aldeko apustua eta errespetua ezinbestekoa" dela adierazi dute, eta giza eskubideak "pertsona guztientzat" aldarrikatu dituzte.
