Lorentxa Gimonek presondegian egon beharko du dei auzitegiaren erabakiaren zain, eta, beraz, ezingo du kalera irten nahiz eta gaur baldintzapeko askatasunaren eskaera onartu dioten. Bagoaz kolektiboa epailearen erabakiaz poztu da, baina haserrea erakutsi du prokuradorearen jarreraren aitzinean.
2003an atxilotu zuten Gimon, Estialecqen (Biarnoa) ETArekin zerikusia zuelakoan. Hamairu urte daramatza preso eta gaur egun Crhon eritasuna pairatzen du. Euskal Herritik 650 kilometrotara da preso, Bretainiako Rennes herrian. 2010ean 39 eguneko gose greba egin zuen bere bakartze egoera salatzeko.
Elkarretaratzea egin zuten atzo iluntzean Angelun, presoaren sostenguz.
