Ondo zehaztutako egitasmoa izango da, legezkoa eta bideragarria". Hitz horiekin deskribatu du Iñigo Urkullu lehendakariak datorren urtean aurkeztuko duen egitasmo berria, ETAko preso ohiak gizarteratzea helburu izango duena. "Hitzeman eta Zuzen Bidean proiektuetako esperientzian oinarrituko da plan berria", azaldu du.
Bide batez, eta herriko tabernen auziaz galdetuta, gaitzetsi egin ditu "dena da ETA" tesian oinarrituz ezartzen diren salbuespen politikak. "Legeak egungo egoerara egokitu behar dira, elkarbizitzarako urratsak egin ahal izateko". Espainiari ez ezik, ordea, ezker abertzaleari ere eskaera egin dio Urkulluk, pausoak eman ditzala elkarbizitza hori posible egiteko.
