Presoen argazkiak jartzeagatik epaitutako Txori Barroteko kideak absolbitu dituzte

Espainiako Auzitegi Nazionalak absolbitu egin ditu "terrorismoa goratzea" leporatuta epaitu dituen Txori Barrote konpartsako lau kide. Epaileak kaleratutako autoak dio euskal presoen argazkiak jaigunean azaltzeak ez duela zertan zuzenean ergain delitua egitea: "Ez dago ziurtatuta horrek preso horiek justifikatzea edo goratzea dakarrenik, ezta horrekin preso horiek egindako delituen biktimak gutxietsi nahi direnik". Onartzen du argazkiak ikusteak biktimen "sentsibilitateari" eragin diezaiekeela, baina gaineratzen du hori saihesteko neurriak bide administratibotik hartu behar direla, kartelak kenduz.

Akusazioaren tesiak ez ezik, perituenak ere ez ditu aintzat hartu epaileak. Perituen auzi saioan esan zuten "ETA finantzatzeko tresna" direla txosnak. Hori ezin duela kontuan hartu dio auzitegiak. Fiskalari ere bizkar eman dio epaileak; hark zigorra eskatu zuen, "terrorismoa goratzea" egotzita.

Absoluzioaren aurka helegitea jartzeko aukera dute aldeek.