Radio Euskadin elkarrizketatu dute gaur goizean Laura Mintegi, eta azaldu du Espainiako Barne ministroak gaiari noiz helduko "zain" dagoela. "Prebarikatzea" egotzi dio, gaixo dauden presoak eta zigorraren hiru laurdenak bete dituztenak ez askatuta. "Neurri horiek ezarriko balituzte, 600 presoen herenek baino gehiagok libre egon beharko lukete", azaldu du.
Orobat, Mintegik uste du preso dauden ugariri ezarritako zigorrak neurrigabeak direla eginiko delituetarako, eta adibide gisara aipatu du "baldarkeria" bat "garestiago" ateratzen dela Euskal Herrian Espainian baino.
Datorren larunbatean Bilbon euskal presoen eskubideen alde egingo duten manifestazioaz eta EAJk ez joateko hartu duen erabakiaz, Mintegik esan du EAJko kide ugari izango direla martxan, "eta hori alderdiak badaki". Mintegik gaineratu du EAJren erabakia "akats taktiko" bat izan dela.
