Ehun bat pertsona batu dira Etxerat-ek antolatutako elkarretaratzean, lepoko zuriekin eta pankartekin, sakabanaketa politika salatzeko. Iñigo Urkullu Eusko Jaurlaritzako lehendakaria santutegira gerturatzean baliatu dute Etxerat-eko kideek euskal presoen egoeraren berri jasotzen duen txostena hari emateko. Presoen senide eta lagunek gaur egun duten egoera biltzen duen sei hilabeteko balantzea egin dute txostenean.
"Salbuespeneko espetxe politika baten ondorioak" jasaten dituztela adierazi diote Urkulluri, eta ohartarazi presoen sakabanaketa amaitu behar dela.
