Durangoko Azoka baliatuz, abenduaren 5erako han euskal presoen eskubideen aldeko manifestazioa antolatu du Egin Dezagun Bidea mugimenduak, Amnistiaren bidean kaleak bete kartzelak hustutzeko lelopean. 18:30ean hasiko da.
Bizkaiko amnistiaren aldeko mugimenduko kide, preso ohi eta presoen senide batzuek agerraldia egin dute gaur, Bilbon, eta herrialdean herri bilguneetan parte hartzeko eta mobilizazioak egiteko eskatu dute. Haien arabera, presoen eskubideen arloan "urrats handiak" egin dira azkenaldian, gaia "agenda politikoan" dagoela uste dute, baina "egoera larria" dela ohartarazi eta "korapiloa askatu" beharraz mintzatu dira.
